டெல்லி: சபாநாயகர் பதவியிலிருந்து விலகுமாறு கட்சியின் மத்திய குழு பிறப்பித்த உத்தரவை ஏற்க மறுத்த லோக்சபா சபாநாயகர் சோம்நாத் சாட்டர்ஜி, மார்க்சிஸ்ட் கம்யூனிஸ்ட் கட்சியின் அடிப்படை உறுப்பினர் பொறுப்பிலிருந்து நீக்கப்பட்டுவிட்டார்.

சோம்நாத் சாட்டர்ஜி சபாநாயகர் பதவியிலிருந்து விலக வேண்டும் என தொடர்ந்து இடதுசாரிகள் வலியுறுத்தி வந்தன. உச்சகட்டமாக சபாநாயகர் பதவியை உடனடியாக ராஜினாமா செய்ய வேண்டும் என சோம்நாத் சாட்டர்ஜிக்கு சிபிஎம் மத்திய குழு நோட்டீஸ் அனுப்பியது.

ஆனால் இவையனைத்தையும் நிராகரித்து விட்டார் சோம்நாத் சாட்டர்ஜி. நம்பிக்கை தீர்மானம் மீதான விவாதத்தை வெற்றிகரமாக நடத்தி முடித்தார்.

இந் நிலையில் நேற்று நம்பிக்கைத் தீர்மானம் வெற்றி பெற்றதைத் தொடர்ந்து வெளியே வந்த சோம்நாத்திடம், சிபிஎம் அனுப்பிய நோட்டீஸ் குறித்து செய்தியாளர்கள் கேட்டபோது, நான் சிபிஎம் மத்திய குழுவில் உறுப்பினர் இல்லை. எனவே எனக்கு அவர்கள் நோட்டீஸ் அனுப்ப முடியாது.

ராஜினாமா குறித்து என்னை யாரும் வற்புறுத்த முடியாது. அது சுயமாக எடுக்க வேண்டிய முடிவு என்றார் சோம்நாத் சாட்டர்ஜி.

திடீர் பல்டி:

இதற்கிடையே, தனக்கு நோட்டீஸ் அனுப்ப மத்திய குழுவுக்கு அதிகாரம் இல்லை என்று தான் கூறியதை மறுத்துள்ளார் சோம்நாத்.

இதுகுறித்து இன்று அவர் வெளியிட்டுள்ள அறிக்கையில், நான் பொலிட்பீரோ உறுப்பினர் இல்லை என்று மட்டும்தான் நேற்று என்னிடம் கேள்வி கேட்ட செய்தியாளரிடம் தெரிவித்தேன். பொலிட்பீரோவுக்கோ அல்லது மத்திய குழுவுக்கோ எனக்கு நோட்டீஸ் அனுப்ப அதிகாரம் இல்லை என்று நான் கூறவில்லை.

இன்று நடைபெறும் பொலிட்பீரோ கூட்டம் குறித்து எனக்கு எந்தத் தகவலும் வரவில்லை என்றார் அவர்.

இந் நிலையில் இன்று சோம்நாத் சாட்டர்ஜி விவகாரம் குறித்து கட்சியின் பொலிட்பீரோ கூடி விவாதித்தது. அப்போது சோம்நாத் மீது கடும் நடவடிக்கை எடுப்பது குறித்து தீர்மானிக்கப்பட்டு கட்சியை விட்டு நீக்கப்பட்டார்.

ஆனால், அவர் சபாநாயகர் பதவியை ராஜினாமா செய்வாரா என்று தெரியவில்லை.

http://thatstamil.oneindia.in/news/2008/07/23/india-somnath-slams-cpm-for-its-notice.html

மேலும் பாபர் மசூதியை இடித்து, நாட்டில் பெரும் மதக் கலவரத்தை ஏற்படுத்திய அத்வானியை மன்னிக்க முடியுமா என்றும் அவர் கேள்வி எழுப்பியுள்ளார்.

மக்களவையில் நடந்த நம்பிக்கைத் தீர்மானத்தின் மீது தனது பதிலை அறிக்கையாகத் தாக்கல் செய்தார் பிரதமர். அதில் அவர் கூறியிருப்பதாவது:

அத்வானிக்கெல்லாம் பதில் சொல்லி என் நேரத்தையும் இந்த அவையின் பொன்னான நேரத்தையும் வீணாக்க நான் விரும்பவில்லை.

ஒருவரை குறை சொல்லும் முன் முதலில் அத்வானி தன் தவறுகளை நினைத்துப் பார்க்க வேண்டும்.

பாபர் மசூதியை இடித்து, நாட்டில் பெரும் மதக் கலவரத்தை ஏற்படுத்திய அத்வானியை மன்னிக்க முடியுமா.

தனது உரையில் அத்வானி என்னைப் பற்றி மிக மோசமான வார்த்தைகளை பயன்படுத்தினார். என்னை மிக பலவீனமான பிரதமர் என்றார், என் அரசை கவிழ்க்க 3 முறை முயன்றனர்.

அவரை அவரது ஜோதிடர்கள் தவறாக வழி நடத்திவிட்டார்கள் என்று நினைக்கிறேன். நாட்டின் நலனுக்காக அவர் முதலில் தனது ஜோதிடரை மாற்றிக் கொள்வது நல்லது.

அணு ஒப்பந்தத்தில் நான் எடுத்த ஒவ்வொரு நடவடிக்கைக்கும் இடதுசாரிகள் தடை போட்டனர். இது ஏற்கத்தக்கத்தல்ல. அவர்கள் என்னை தங்களது கொத்தடிமை போல நடத்த முயன்றனர்.

இப்போது அவர்கள் யாருடன் (பாஜக) கூட்டணி போட வேண்டிய நிலைக்குத் தள்ளப்பட்டுள்ளனர் என்பதை நினைத்துப் பார்க்க வேண்டும் என்று கூறியுள்ளார் பிரதமர்.

டெல்லி: மக்களவையில் இன்று பெரும் பரபரப்புக்கு இடையே நடந்த நம்பிக்கைத் தீர்மானத்தில் மன்மோகன் சிங் தலைமையிலான காங்கிரஸ் கூட்டணி அரசு 20 வாக்குகள் வித்தியாசத்தில் முன்னணியில் உள்ளது. மேலும் சுமார் 54 எம்பிக்களின் வாக்குச் சீட்டுகள் மூலம் வாக்களித்து வருகின்றனர்.

மி்ன்னணு எந்திரம் மூலம் நடந்த வாக்கெடுப்பில் மொத்தம் 487 வாக்குகளே பதிவாயின. இதில் அரசுக்கு ஆதரவாக 253 எம்பிக்களும், எதிராக 232 எம்பிக்களும் வாக்களித்தனர். 2 பேர் வாக்களிக்கவில்லை என ஓட்டளித்தனர்.

இதையடுத்து காங்கிரஸ் கூட்டணி எம்பிக்கள் ஓடி வந்து பிரதமருடனும் காங்கிரஸ் தலைவர் சோனியாவுடனும் கைகுலுக்கி வாழ்த்துத் தெரிவித்தனர்.

மீதமுள்ள சுமார் 54 எம்பிக்கள் வாக்குச் சீட்டுகள் மூலம் வாக்களித்து வருகின்றனர். இவர்களது வாக்குகளும் எண்ணப்பட்ட பிறகே இறுதி முடிவு அறிவிக்கப்படும்.

முன்னதாக பிரதமர் பேசிய பின்னர் வாக்கெடுப்பு நடக்கும் என சபாநாயகர் அறிவித்தார். ஆனால், பிரதமர் தனது பதிலை அறிக்கையாக தாக்கல் செய்துவிட்டார், பேசவில்லை.

இதையடுத்து ஓட்டெடுப்பு தொடங்கியது. நம்பிக்கை தீர்மானத்தை ஆதரிப்பவர்கள் ஆம் என்க, எதிர்ப்போர் இல்லை என சபாநாயகர் அறிவிக்க ஆதரிப்போர் ஆம் என்றும், எதிர்ப்போர் இல்லை என்றும் குரல் தந்தனர்.

இதையடுத்து மின்னணு எந்திரத்தில் வாக்களிக்குமாறு எம்பிக்களுக்கு சபாநாயகர் உத்தரவிட்டார்.

ஆனால், பாஜக எம்பிக்கள் எழுந்து நின்று கூச்சலிட்டபடி இருந்ததால் ஓட்டெடுப்பு தாமதமானது. ஒருவழியாக 7.30 மணிக்கு வாக்களிப்பு தொடங்கியது.

டெல்லி: காங்கிரஸ் அரசைக் காப்பாற்ற, தங்களை விலைக்கு வாங்க சமாஜ்வாடி கட்சியின் பொதுச் செயலாளர் அமர்சிங் சார்பில் ரூ. 1 கோடி அட்வான்ஸ் பணம் தரப்பட்டதாகவும், தங்களுக்கு தலா ரூ. 3 கோடி தருவதாக பேரம் பேசப்பட்டதாகவும் கூறி பணக் கட்டுகளுடன் பாஜக எம்பி்க்கள் மக்களவையில் அமளியில் ஈடுபட்டனர்.

சுமார் ரூ. 1 கோடி மதிப்புள்ள ஆயிரம் ரூபாய் பணக் கட்டுகளை அவையில் மத்தியில் உள்ள டேபிளில் கொட்டிய மத்திய பிரதேசத்தின் மொரீனா மக்களவைத் தொகுதியைச் சேர்ந்த பாஜக எம்பி அசோக் ஆக்ரால், இந்தப் பணத்தை தனக்கு சமாஜ்வாடி கட்சி தந்ததாக குற்றம் சாட்டினார்.

இரண்டு பைகளில் அவர் இந்தப் பணத்தை எடுத்து வந்தார். தையடுத்து பிற பாஜக எம்பிக்களும் அவையில் மையத்தில் குவிந்து அரசுக்கு எதிராக குரல் தந்தனர்.

இந்த சம்பவத்தால் அதிர்ச்சியடைந்த சபாநாயகர் சோம்நாத் சாட்டர்ஜி அவையை உடனடியாக ஒத்தி வைத்துவிட்டு சென்றுவிட்டார்.

இது குறித்து பாஜக தலைவர் அத்வானி கூறுகையில் பங்கன்சிங் குலாஸ்தே, அசோக் ஆக்ரால், மகாவீர் பகாரே ஆகிய 3 பாஜக எம்பிக்களுக்கு வாக்களிக்க வர வேண்டாம் என்று கூறி தலா ரூ. 3 கோடிக்கு பேரம் பேசப்பட்டுள்ளது.

இதில் முதல் கட்டமாக ரூ. 1 கோடி பணம் தரப்பட்டுள்ளது. இதை அவர்கள் என்னிடம் தெரிவித்து, அதை மக்களவையிலேயே காட்டுவதாகக் கூறினர். இதையடுத்து நானும் பணத்தை மக்களவைக்கு கொண்டு வர அனுமதி தந்தேன்.

வாக்களிக்க வராமல் இருந்தால் மேலும் தலா ரூ. 1.5 கோடி தருவதாகக் கூறியுள்ளனர். இதற்கான மொத்த டீல் ரூ. 9 கோடி. கடந்த 3, 4 நாட்களாக இந்தப் பணம் தரப்பட்டது.

இந்த பணம் கைமாறியதை ஒரு தனியார் தொலைக்காட்சி பதிவு செய்துள்ளது. அது எந்த சேனல் என்பதை நான் சொல்ல முடியாது என்றார்.

(அந்த தனியார் சேனல் சிஎன்என்-ஐபிஎன் ஆகும். ஆனால், அந்த வீடியோவை சபாநாயகரிடம் ஒப்படைக்கப் போவதாகவும், அதை ஒளிபரப்பப் போவதில்லை என்றும் அதன் தலைமை ஆசிரியர் ராஜ்தீப் சர்தேசாய் தெரிவித்துள்ளார்).

பங்கன்சிங் குலாஸ்தே, அசோக் ஆக்ரால், மகாவீர் பகாரே ஆகியோர் கூறுகையி்ல், எங்களிடம் ஒரு மத்தியஸ்தர் பேசினார். எங்களை அமர் சிங்கின் வீட்டுக்கு போகச் சொன்னார். அங்கு வைத்து அட்வான்ஸ் பணமாக ரூ. 1 கோடி தரப்பட்டது.

மேலும் சோனியாவின் அரசியல் செயலாளர் அகமத் படேலிடம் தொலைபேசியில் பேச வைத்தார் என்றனர்.

இந் நிலையில் இந்த விவகாரத்தில் அடுத்து என்ன செய்வது என்பது குறித்து விவாதிக்க தனது சேம்பரில் அனைத்துக் கட்சி கூட்டத்தை சபாநாயகர் கூட்டியுள்ளார்.

அவை 6 மணி வரை ஒத்தி வைக்கப்பட்டுள்ளது.