சற்றுமுன்…

ஏர் - இந்தியா எக்ஸ்பிரஸின் முதல் பெண் “பைலட்’

சென்னை, ஜூலை 26: ஏர் - இந்தியா எக்ஸ்பிரஸ் விமானத்தின் முதல் பெண் “பைலட்’ என்ற பெருமையை கேப்டன் செமலி க்ரோட்டபள்ளி பெறுகிறார்.

சென்னையிலிருந்து வரும் ஞாயிற்றுக்கிழமை பிற்பகல் 2.25 மணிக்குப் புறப்படும் ஏர் இந்தியா எக்ஸ்பிரஸ் விமானத்தை அவர் இயக்குகிறார். அவருடன் அன்றைய தினம் செல்லும் துணை பைலட் அம்ரித் நம்தாரி, பணிப் பெண்கள் எஸ். பானு, பி. புடியா, எஸ். திவ்யா, பினால் வலண்ட் ஆகிய அனைவரும் பெண்கள் என்பது குறிப்பிடத்தக்கது.

கேப்டன் செமலி க்ரோட்டபள்ளி ஏர் இந்தியா எக்ஸ்பிரஸ் விமான நிறுவனத்தில் 2004-ம் ஆண்டு சேர்ந்தார். ஏர் இந்தியா எக்ஸ்பிரஸ் நிறுவனத்தில் மொத்தம் 76 பைலட்டுகள் உள்ளனர்; இவர்களில் 6 பேர் பெண்கள்.

மதரசா பட்டப் படிப்பு முடித்த இஸ்லாமிய மாண வர்கள் ரயில்வே துறை வேலை வாய்ப்புகளுக்கு விண்ணப்பிக்கும் தகுதியு டையவர்கள் என லாலு பிரசாத் யாதவ் தெரிவித் துள்ளார்.

இஸ்லாமிய இளைஞர் கள் “மதரசா’ என்ற அரபிமொழி பட்டப் படிப்பை பாரம்பரியமாக கற்று வருகின்றனர். தற்போது இந்தப் பட்டம் பெற்றவர்கள் ரயில்வே துறைகளில் உள்ள வேலை வாய்ப்புகளுக்கு விண்ணப்பிக்கலாம் எனவும், அதற்கான அரசு துறை சார்பான அனைத்து பணிகளும் சட்டப்பூர்வமாக நிறைவேற்றப்பட உள்ளதாக ரயில்வே துறை அமைச்சர் லாலு பிரசாத் யாதவ் நேற்று தனியார் செய்தி நிறுவனம் ஒன்றுக்கு தகவல் அளித்துள்ளார்.

வருகின்ற நாடாளுமன்றத் தேர்தலில் முஸ்லிம் இன மக்களின் ஓட்டுவங்கியை காங்கிரஸ் தலைமையிலான ஐக்கிய முற்போக்குக் கூட்டணி அரசு இழக்காமல் பாதுகாக்கும் வண்ணம் பல்வேறு நலத்திட்டங்களை அமல்படுத்தி வருகிறது.
இதன்படி கடந்த ஆண்டு ராஜேந்தர் சர்ச்சார் கமிட்டி ஒன்று அமைக்கப்பட்டு சிறுபான்மையினர்கள் அரசு சார்பான துறைகளில் வேலை வாய்ப்பு பெறுவதற்கான வழிவகைகளை ஆராய்ந்தது. மேலும் இந்த ஆண்டின் துவக்கத்தில் லாலு பிரசாத் யாதவும், ரயில்வே துறை களில் முஸ்லிம்கள் அதிகளவில் இடம் பெறுவதற்கான வாய்ப்புகளை ஏற்படுத்துவோம் என அறிவித்து இருந்தார்.

அதன்படி தற்போது மத்திய அரசுத் துறைகளில் வேலைவாய்ப்பில் முஸ்லிம்களின் எண்ணிக்கையை உயர்த்தும் நடவடிக்கையால் வேலை பெறுவோரின் எண்ணிக்கை 5 சதவீதம் கணிசமாக உயரும் வாய்ப் புள்ளது.

சென்னை மற்றும் அதன் சுற்றுபுற நகர்களில் இயங்கிவரும் பிரமாண்ட பொறியியல், மருத்துவ கல்லூரிகள், டீசல் பற்றாக்குறை காரணமாக மாணவர்களைக் கூட்டிவர பேருந்துகளை இயக்க முடியாததால் தற்காலிகமாக மூடப்பட்டுள்ளன.

குறிப்பாக புறநகர்களில் இயங்கும் அனைத்துக் கல்லூரிகளுமே உள்ளூர் மாணவர்களை நம்பி செயல்படுபவைஅல்ல. இக்கல்லூரிகளில் 30 சத விகித மாணவர்கள் மட்டுமே ஹாஸ்டல்களில் தங்கிப் படிக்கின்றனர். வெளியூர்களிலிருந்து வரும் மாணவர்களில் பெரும்பாலோர் கல்லூரிகள் இயக்கும் வாகனங்களிலும், வெகு சிலர் மட்டும் இரு சக்கர வாகனங் களிலும் கல்லூரிக்குச் சென்று வருகின்றனர்.
டீசல் சப்ளை சீராகும் வரை இனி பேருந்துகளை நிறுத்தி வைக்கலாம், கல்லூரிகளையும் மூடி வைக்கலாம் என நிர்வாகங்கள் முடிவெடுத்து அறிவிப்பாகவும் வெளியிட்டுள்ளன. மறு அறிவிப்பு வரும் வரை கல்லூரிகள் மூடப்படுவதாக நிர்வாகங்கள் அறிவித்துள்ளன.
எஸ்ஆர்எம் போன்ற பெரிய கல்லூரிகள் மட்டும் தங்கள் கல்லூரி பேருந்துகளுக்கென்று தனியாக வளாகத்துக்குள்ளேயே பங்க் வைத்துள்ளன. அதாவது மொத்தமாக டீசல் வாங்கி இருப்பு வைத்துள்ளன. ஒரு வேளை இன்னும் சில தினங்கள் இதே நிலை நீடித்தால் அனைத்துக் கல்லூரிகளுமே மூடப்பட்டாலும் வியப்பில்லை.

நிலைமை சீராகும்… திரிபாதி நம்பிக்கை

புதன் காலை குஜராத் மாநில போக்குவரத்து கழக பேருந்தொன்று பொடெல்லி கிராமத்தில் அறுபது அடி ஆழமுள்ள நர்மதா நதியில் விழுந்ததில் பெரும்பாலும் பள்ளி செல்லும் சிறார் உள்ளிட்ட 44 பேர் மரணமடைந்துள்ளனர்.நான்கு சிறுவர்கள் உயிருடன் மீட்கப்பட்டுள்ளனர்.

அந்த பேருந்து டார்கோலிலிருந்து பொடெல்லிக்கு சென்று கொண்டிருந்தபோது காலை 6:30 க்கு ஓட்டுநர் கட்டுப்பாட்டை இழந்ததால் நிகழ்ந்ததாகத் தெரிகிறது. பயணித்தவர்களில் பெரும்பான்மையினர் பள்ளி செல்லும் சிறார்களே. மீட்பு பணியை எளிதாக்க சர்தார் சரோவர் அணையிலிருந்து வெளியேறும் நீரை நிறுத்தி வைத்தனர். பேருந்து கால்வாயிலிருந்து வெளியே எடுக்கப்பட்டு விட்டது.

இறந்தவர்கள் குடும்பத்தினருக்கு அரசு ஒரு இலக்கம் ரூபாய் நட்ட ஈடு அறிவித்துள்ளது.

Bus falls into Narmada canal, 44 killed

Gujarat: Bus carrying kids in mishap; 44 dead

43  வருடங்களுக்குப் பிறகு கொல்கொத்தாவிற்கும் பங்களாதேச தலைநகர் தாக்காவிற்கும் இடையேயான தொடர்வண்டி சேவைகள் இன்று துவங்கியது; இரு நகரங்களிலிருந்தும் ஒரே சமயத்தில் ‘மைத்ரி எக்ஸ்பிரஸ்’ –நட்பு விரைவுவண்டி– தனது பயணத்தை இரு அண்டைநாடுகளுக்கும் இடையேயான நட்பை வலுப்படுத்துமாறு துவங்கியது.

ஆறு பெட்டிகள் கொண்ட தொடர்வண்டி அழகாக அலங்கரிக்கப் பட்டிருந்தது; இன்று காலை 0710 மணிக்கு வெளியுறவுத்துறை அமைச்சர் பிரணப் முகர்ஜி தூரத்திலிருந்தே புறப்பட சமிக்ஞை கொடுக்க வங்காள புதுவருட தினமான முதல் பைசாகி நாளில் தனது 15 மணி பயணத்தை ஆரம்பித்தது. அதே நேரம் தாக்காவின் கண்டோன்மெண்ட் நிலையத்திலிருந்து கொல்கொத்தாவை நோக்கி அவர்களது தொடர்வண்டியை பயணிகளுக்கு பூக்கொத்துகள் கொடுத்து வழியனுப்பி வைத்தனர்.

1965 இல் பங்களாதேஷ் சண்டையின் போது இந்த சேவை நிறுத்தப்பட்டிருந்தது. 1996இல் இரு நகரங்களுக்கும் இடையே பேருந்து சேவை துவக்கப்பட்டது.

538 கிமீ தூரத்தில் 120 கி.மீ தூரம் இந்தியாவில் உள்ளது; மற்றவை பங்களாதேச பரப்பில் உள்ளது.

Kol-Dhaka train services resume after 43 yrs

கோழிக்கோட்டில் ஏஇ இந்தியா விமானம் தாமதமானதை அடுத்து அதன் விமான தலைவர் ரஜத் ரானாவிற்கும் மாநிலங்களவை உறுப்பினர் அப்துல் வகாபிற்கும் இடையே எழுந்த பிரச்சினை பூதாகாரமாக வளர்கிறது. விமான ஓட்டிகளின் சங்கம் வகாப் மன்னிப்பு கோரவில்லையெனில் உலக அளவில் எடுத்துச் சென்று அவரை கறுப்புப் பட்டியலில் சேர்க்க முயலப் போவதாக கூறியுள்ளது.  அவ்வாறு செய்யப்பட்டால் அவரால் அமெரிக்கா போன்ற நாடுகளுக்குச் செல்ல முடியாது.

அதே நேரம் எம் பி யின் ஆதரவாளர்கள் காப்டன் ரஜத் ரானாவின் பணிக்கு உலை வைக்கப் பார்க்கிறார்கள். அவர் தற்சமயம் துபாயில் தனது குடும்பத்தினருடன் உள்ளார். அவர திரும்பியபிறகே அவரது கருத்தை அறிய முடியும் விமானத்துறை அமைச்சர் பிரபுல் பாடேல் நடந்த சம்பவத்தின் முழு விவரம் அறிய விசாரணைக்கு உத்தரவிட்டுள்ளார். ஒரு சிறுவிதயம் பெரிதாக்கப் பட்டிருக்கிறது என்று அமைச்சர் கூறினார்.

Wahab lobby takes on pilot

ஹைதராபாத்தின் சம்சாபாத்தில் கட்டப்பட்டுள்ள புதிய விமானநிலையத்தை பார்வையிட கடந்த சிலநாட்களாக பெருந்திரளான பார்வையாளர்கள் வந்தவண்ணம் இருந்தனர். நகரிலிருந்து 30 கிமீ தூரத்தில் உள்ல இந்த நவீன கட்டிடத்தைக் காண கூடிய கூட்டத்தால் விமானதளத்தின் சேவைகள் தாக்குப் பிடிக்கமுடியாது பயணிகளுக்கு வசதிகுறைவு ஏற்பட்டது. கடந்த வாரயிறுதியில் மட்டும் ஒரு இலக்கத்திற்கும் மேற்பட்ட பார்வையாளர்கள் வருகை புரிந்தனர்.

இதனையடுத்து ராஜிவ்காந்தி பன்னாட்டு விமானதளத்தின் மேலாண்மை பயணிகளும் அவர்களை வழியனுப்பவோ/ வரவேற்கவோ உடன்வருபவர்கள் மட்டுமே உள்ளே அனுமதிக்கப்படுவார்கள் என அறிக்கை வெளியிட்டுள்ளது. இருசக்கர, நாற்சக்கர வாகனங்களுக்கும் நிறுத்தும் வசதிக்கு கட்டணம் வசூலிக்கப்படும்.

New Hyderabad airport bans entry of sightseers

நஷ்டத்தில் இயங்கி வந்த இந்திய ரயில்வே, சமீபகாலமாக லாபம் ஈட்டிவருவதாகக் கூறப்படும் நிலையில், அந்த லாபம் எந்த வகையில் ஈட்டப்படுகிறது என்பதில் பல்வேறு கருத்துகள் கூறப்படுகின்றன. கடந்த மாதம் வெளியிடப்பட்ட ரயில்வே பட்ஜெட்டில்கூட, ரயில் சேவைகளின் கட்டணங்கள் குறைக்கப்பட்டதுடன், வேறு பல சலுகைகளும் அறிவிக்கப்பட்டன.

ஆனால், ரயில் பட்ஜெட்டில் அறிவிக்காமல், நாடாளுமன்றத்தின் ஒப்புதலைப் பெறாமல், நிர்வாக உத்தரவுகள் மூலமாக, ரயில்வே நிர்வாகம் மறைமுகமாக கட்டணங்களை உயர்த்தியிருப்பதாக கோவை கன்ஸ்யூமர் காஸ் என்ற நுகர்வோர் அமைப்பு உச்சநீதிமன்றத்தில் வழக்குத் தொடர்ந்திருக்கிறது. இது குறித்து கோவை கன்ஸ்யூமர் காஸ் அமைப்பின் செயலர் கே. கதிர்மதியோன் வழங்கிய செவ்வியை பிபிசி தமிழோசையில் கேட்கலாம்.

நன்றி: பிபிசி

விமானநிலைய ஊழியர்களின் நாடுதழுவிய காலவரையற்ற ‘ஒத்துழையாமை’ போராட்டம் நேற்று நள்ளிரவு முதல் துவங்கியது. ஆயினும் விமானசேவைகளும் விமானநிலைய சேவைகளும் பெரிதாக பாதிக்கப் படவில்லை.

பெங்களூரு மற்றும் ஹைதராபாத் நகரங்களில் புதியதாக தனியார்துறையில் வடிவமைக்கப்பட்டுள்ள விமானநிலையங்கள் பயன்நிலைக்கு வருவதை யடுத்து இயங்கிவரும் விமானநிலையங்கள் மூடப்படவுள்ளன. இதனை எதிர்த்தும் பிற விமானநிலையங்கள் நவீனப்படுத்துபோது ஊழியர்களின் நிலை குறித்தும் விமானநிலைய ஊழியர்கள் கூட்டமைப்பு இப்போராட்டத்திற்கு அழைப்பு விடுத்திருந்தது.

விமான போக்குவரத்தைக் கட்டுப்படுத்தும் ATC ஊழியர்கள் போராட்டத்தில் ஈடுபடவில்லை.

Airport strike unaffects flight services

Indian airport workers on strike

Govt. imposes ESMA against airport employees

தலைநகர் தில்லி உள்பட வடமாநிலங்களில் கடுமையான பனிப் பொழிவு காரணமாக வெள்ளிக்கிழமை 10 மணி நேரத்திற்கும் அதிகமாக மின்விநியோகம் தடைபட்டது. இதனால் ரயில் சேவை உள்பட பல முக்கியப் பணிகள் பாதிக்கப்பட்டன.

தில்லி, ஹரியாணா மற்றும் உத்தரப்பிரதேசத்தின் மேற்கு பகுதி மக்கள் இந்த திடீர் மின்தடையால் அதிகமாக பாதிப்புக்கு உள்ளானார்கள். இது குறித்து மின்வாரிய அதிகாரிகள் கூறியது:

வடமாநிலங்களில் தற்போது பனி மூட்டம் அதிகமாக காணப்படுகிறது. இதனால் மின்சாரத்தை எடுத்துச் செல்லும் கம்பிகளில் தூசுகள் கலந்த பனி படிந்ததால் கம்பிகளில் தீப்பொறிகள் ஏற்பட்டு மின்விநியோகம் துண்டிக்கப்பட்டது.

பனிக்காலங்களில் இது போன்ற சம்பவங்கள் நடப்பது இயல்பானதுதான். ஆனால் இந்த ஆண்டு மிகநீண்ட நேரத்திற்கு மின்சாரம் தடைபட்டு விட்டது. அதிகாலை 4 மணியளவிலும் காலை 6 மணிக்கும் இருமுறை மின்சாரம் தடைபட்டது. காலை 10.30 மணிக்கு மீண்டும் மின்விநியோகம் சீரடைந்தது.

இப்பிரச்னைக்கு நிரந்தர தீர்வு காண முயற்சிகள் மேற்கொள்ளப்படும் என்றனர். மின்விநியோகத்தில் பலமணிநேரம் தடை ஏற்பட்டதால் புறநகர் மின்சார ரயில் சேவை முற்றிலுமாக பாதிக்கப்பட்டது. இதனால் ஏராளமான பயணிகள் பல மணிநேரம் ரயில்நிலையத்தில் காத்திருக்க வேண்டிய நிலை ஏற்பட்டது.

முந்தைய சற்றுமுன் | நன்றி: தினமணி