சற்றுமுன்…

இந்திய எல்லையில் நுழைந்த பாகிஸ்தான் ராணுவம்

காஷ்மீர் மாநிலத்தில் உள்ள குப்வாரா அருகே இந்திய எல்லைக்குள் பாகிஸ்தான் ராணுவ வீரர்கள் 15 பேர் இன்று நுழைந்தனர். மேலும், அவர்கள் துப்பாக்கிச்சூடு நடத்தியதில் இந்திய ராணுவ வீரர் ஒருவர் உயிரிழந்தார்.
இன்று மாலை 3.30 மணியளவில் குப்வாரா அருகே அவர்கள் எல்லைக் கோட்டை தாண்டி இந்தியப் பகுதிக்குள் நுழைந்தனர். அங்கு நௌகான் செக்டரில் உள்ள கண்காணிப்பு முகாமை இந்திய ராணுவத்தினர் காலி செய்ய வேண்டும் என்று கோரினர். மேலும், திடீரென இந்திய வீரர்கள் மீது துப்பாக்கிச்சூடு நடத்தினர். இதில், 22வது ராஜ்புத் படைப்பிரிவைச் சேர்ந்த ஒரு வீரர் உயிரிழந்தார்.

இதையடுத்து, இந்திய வீரர்களும் திருப்பிச் சுட்டனர். இந்த மோதல் சில மணிநேரம் நீடித்ததாக தகவல்கள் தெரிவிக்கின்றன.

இந்தியப் பகுதிக்குள் 15 பேர் கொண்ட குழுவாக பாகிஸ்தான் ராணுவத்தினர் அத்துமீறி நுழைந்திருப்பது, அரசியல் மற்றும் ராணுவ வட்டாரத்தில் பெரும் பரபரப்பை ஏற்படுத்தியுள்ளது.
 

கேரளாவில் 400 பாகிஸ்தானியர்கள்: முதல்வர் தகவல்

பாகிஸ்தான் குடியுரிமை பெற்ற 400 பேர் கேரளாவில் இருப்பதாகவும், இந்தியக் குடியுரிமை பெற அவர்கள் முயற்சித்து வருவதாகவும் கேரள முதல்வர் அச்சுதானந்தன் புதன்கிழமை கூறினார்.
இந்திய குடியுரிமை மற்றும் இந்தியாவில் தங்கியிருப்பதற்கு அனுமதி பெறுவதற்கான அவர்களின் விண்ணப்பங்கள் மத்திய அரசுக்கு மாநில அரசின் பரிந்துரையுடன் அனுப்பப்பட்டுள்ளதாக அச்சுதானந்தன் சட்டப்பேரவையில் இவ்விவகாரம் தொடர்பாக அளித்துள்ள பதிலில் கூறியுள்ளார்.

அவர்களின் விண்ணப்பங்கள் தொடர்பாக மத்திய அரசுதான் முடிவு எடுக்கவேண்டும் என அச்சுதானந்தன் கூறினார்.

சட்ட விதிப்படி. அவர்கள் போலீஸ் நிலையங்களில் வைக்கப்பட்டுள்ள வெளிநாட்டவர்கள் பதிவேட்டில் கையெழுத்திட வேண்டும். அவர்களில் பெரும்பாலானோர் வயதானவர்கள், நடக்க முடியாதவர்கள். அவர்களின் சிரமங்களைக் குறைக்க அரசு நடவடிக்கை எடுத்து வருகிறது என அச்சுதானந்தன் கூறினார்.

மார்க்சிஸ்ட் கட்சியைச் சேர்ந்த சசிக்குமார் கூறுகையில், மலையாளியை பிறப்பிடமாகக் கொண்ட பாகிஸ்தானியர்களும் அக்குழுவில் உள்ளனர் என்றார். அவர்கள் சுதந்திரத்துக்குப் பின்னர் அண்டை நாடான பாகிஸ்தானுக்கு வேலை செய்வதற்காக சென்றனர். அவர்கள் அனைவரும் 70 மற்றும் அதற்கு மேற்பட்ட வயதுடையவர்கள். தற்போது குடும்பத்துடன் இருப்பதற்காக பாகிஸ்தானிலிருந்து திரும்பி வந்து இந்திய குடியுரிமை கோரி விண்ணப்பித்துள்ளனர் என சசிக்குமார் கூறினார்.

பாக்கிஸ்தான் மக்கள் கட்சியின் (PPP) யூசுஃப் ராசா கிலானி பாக்கிஸ்தானின் 25ஆவது பிரதமராகப் பதவி ஏற்றார். பாக்கிஸ்தான் மக்கள் கட்சியிலிருந்து பூட்டோ குடும்பத்தைச் சேராத முதல் பிரதமர் இவர்.

55 வயதாகும் கிலானி பத்திரிகைத் துறை(Journalism) முதுகலைப் பட்டம் பெற்றவர்.

Gillani sworn in as PM by President Musharraf - DNA India

சரியாக படிக்காததால் ராணுவத்தில் என் தாயார் சேர்த்தார்
அதிபர் முஷரப் பேட்டி

நான் படிக்கும்போது நன்றாக படிக்காததால் என் தாயார் என்னை ராணுவத்தில் சேர்த்தார் என்று பாகிஸ்தான் அதிபர் முஷரப் தெரிவித்தார். அவர் ஒரு டி.வி. சேனலுக்கு பேட்டி அளித்தபோது இதை தெரிவித்தார். அவர் மேலும் கூறுகையில், ராணுவத்திலும் படிக்கவேண்டும் என்பது என் தாயாருக்கு தெரியாது என்று அவர் குறிப்பிட்டார். அவர் தொடர்ந்து கூறியதாவது:-

பதவி உயர்வுக்காக நான் யாரிடமும் சிபாரிசுக்கு சென்றது கிடையாது. பாகிஸ்தானியர்கள் கடுமையாக உழைக்கக்கூடியவர்கள். புத்திசாலிகள். அவர்கள் பிரிவினைக்கு பிறகு நீண்ட தூரம் வந்து இருக்கிறார்கள். இருந்தபோதிலும் அவர்களிடம் தலைமைக்குணம் இல்லை. நான் வெளிப்படையானவன். குடும்பத்தோடும், ராணுவத்தோழர்களோடும் அனைத்தையும் பகிர்ந்து கொள்வேன். என் மகன் பிலால் மகள் அய்லா உடன் என் உறவு நட்பு ரீதியிலானாது. குழந்தைகளோடு நட்பு ரீதியாக இருக்கவேண்டும். அவர்களை வழிகாட்ட வேண்டும். பயிற்சி அளிக்கவேண்டும்.

http://www.dailythanthi.com/article.asp?NewsID=400686&disdate=3/18/2008

பாகிஸ்தானின் பஞ்சாப் மாநில தலைநகர் லாகூரில் இன்று காலை 9:30 மணிக்கு டெம்பிள் தெருவில் அமைந்துள்ள அந்நாட்டு குற்ற ஆய்வு நிறுவனமான பெடரல் இன்வெஸ்டிகேஷன் ஏஜென்சியின் தலையகத்தினுள் வெடிகுண்டுகளால் நிரப்பப்பட்ட சரக்குந்து ஒன்று அத்துமீறி நுழைந்து வெடித்ததில் 19 பேர் பலியானார்கள்.வெடிப்பின் பாதிப்பில் அந்த ஏழு மாடிக்கட்டிடம் மிகவும் சேதமடைந்துள்ளது.

அதேநேரம் மாடல்டௌன் பகுதியில் ஒரு சரக்குந்துவில் வெடிபொருட்களுடன் இரு தற்கொலைபடையினர் ஒரு வீட்டிற்குள் புகுந்து வெடித்துச் சிதறியதில் அவர்களும் அவ்வீட்டின் காவற்காரரின் இரு குழந்தைகளும் இறந்தனர். இவ்வீட்டின் அருகே புட்டோவின் கணவர் சர்தாரியின் வீடும் லாகூர் நகர நாசிம் அமீர் முகமது வீடும் உள்ளது. ஒரு விளம்பர நிறுவனத்திற்கு வாடகைக்குக் கொடுக்கப்பட்டிருந்தது. எதனால் இந்த வீட்டை தாக்கினார்கள் என்பது புரியவில்லை.

26 killed in twin car bombings in Lahore

பாகிஸ்தான் மக்கள் கட்சி இணைத் தலைவர் ஜர்தாரி மீதான 7 ஊழல் வழக்குகளையும், அந்நாட்டு ஊழல் தடுப்பு நீதிமன்றம் புதன்கிழமை நீக்கியது. பாகிஸ்தான் உச்சநீதிமன்றம் கடந்த வாரம் பிறப்பித்த உத்தரவையடுத்து, இந்த நடவடிக்கை மேற்கொள்ளப்பட்டுள்ளது.

பேநசீர் பதவி காலத்தில், அவரது கணவர் ஜர்தாரி வருமானத்திற்கு அதிகமாக சொத்து சேர்த்ததாக புகார் எழுந்தது. இதையடுத்து, அவர் மீது பல்வேறு பிரிவுகளின் கீழ் வழக்குகள் பதிவு செய்யப்பட்டன.

இந்நிலையில், பேநசீர் மற்றும் அவரது கணவர் ஜர்தாரி ஆகியோரை, ஊழல் வழக்குகளில் இருந்து விடுவிக்கும் வகையில் அதிபர் முஷாரப் கடந்த அக்டோபரில், தனிச்சட்டம் ஒன்றை இயற்றினார். இச்சட்டத்துக்குத் தடைவிதிக்கக் கோரி உச்சநீதிமன்றத்தில் வழக்கு தொடரப்பட்டது. அந்த வழக்கில் முதலில் தடை உத்தரவு பிறப்பித்த உச்சநீதிமன்றம், கடந்த வாரம் அந்தத் தடையை நீக்கி உத்தரவு பிறப்பித்தது.

இதையடுத்து, ஜர்தாரி மற்றும் அவரது நெருங்கிய சக ரெஹ்மான் மாலிக் ஆகியோர் மீதான அனைத்து வழக்குகளையும் அந்நாட்டு ஊழல் தடுப்பு நீதிமன்றம் விலக்கிக் கொண்டுள்ளது. இதனிடையே, இதுகுறித்து கருத்து தெரிவித்த ஜர்தாரியின் வழக்கறிஞர் பாரூக் நாயிக், ‘ஜர்தாரிக்கு எதிரான அனைத்து வழக்குகளும் அரசியல் உள்நோக்கத்துடன் தொடுக்கப்பட்டவை என்றும், அவை அடிப்படை ஆதாரமற்றவை’ என்றும் தெரிவித்தார்.

நன்றி: தினமணி

மேலும் விவரங்களுக்கு:

1. BBC NEWS | South Asia | Court drops cases against Zardari

2. NDTV.com: PPP will announce PM on March 6

பாகிஸ்தானில் நிகழ்ந்த தற்கொலை தாக்குதலில் 7 பேர் பலியாயினர் ; பலர் காயமடைந்தனர். லாகூரில் உள்ள கடற்படை தலைமை அலுவலகம் அருகே இந்த தாக்குதல் நடைபெற்றது.

கடற்படை கல்லூரி அருகே உள்ள மெயில் ரோடு என்ற இடத்தில் வெடிகுண்டுகள் நிரப்பப்பட்ட லாரியை ஓட்டிவந்த தற்கொலை தீவிரவாதி ஒருவன், அந்த லாரியை வெடிக்கச் செய்ததில் 7 பேர் சம்பவ இடத்திலேயே பலியாயினர்.பலர் காயமடைந்தனர்.

முழுவதும் வாசிக்க: யாஹு

மேலும் விவரங்களுக்கு:

1. Australia decision on Pakistan tour expected in days | Reuters

2. NDTV.com: Seven killed as suicide blasts rock Lahore

3. Five arrested in connection with Pak naval college attack - Pakistan - World - The Times of India

பாகிஸ்தானின் வடமேற்கு பகுதியில் பழங்குடியின தலைவர்கள் கூடியிருந்த இடத்தில் தற்கொலையாளி ஒருவர் நடத்திய தாக்குதலில் குறைந்தப்பட்சம் 39 பேர் கொல்லப்பட்டுள்ளனர்.

சம்பவம் நடைபெற்ற இடத்தில் இருந்து கிடைக்கபெறும் தகவல்கள் அங்கு எங்கும் ரத்த சகதியாக காணப்படுகின்றது என கூறுகின்றன. டார்ரா அடம்கெல் என்ற அப்பகுதியின் பாதுகாப்பு நிலைமை குறித்து ஆலோசிக்க கூட்டப்பட்ட கூட்டத்தில் இந்த குண்டுவெடிப்பு இடம்பெற்றுள்ளது.

இந்த பகுதியில் சமீபகாலமாகவே, தலிபான் ஆதரவு தீவிரவாதிகளுக்கும், இராணுவத்தினருக்கும் இடையில் தொடர்ந்து கடுமையான மோதல்கள் இடம்பெற்று வருகின்றன. ஆப்கான் எல்லைக்கு அருகாமையில் இருக்கும் இப்பகுதியில் சமீபத்தில் இடம்பெற்ற மூன்றாவது தற்கொலைத்தாக்குதல் இதுவாகும்.

நன்றி: தமிழ் பிபிசி

மேலும் விவரங்களுக்கு:

1. Suicide bomber kills at least 42 in Pakistan province - Los Angeles Times

2. AFP: Grieving Pakistan tribesmen bury dead after suicide blast

பாக்கிஸ்தான் அண்மையத் தேர்தலில் பெரும்பான்மை பெற்ற எதிர்கட்சிகள் இணைந்து ஆட்சி அமைக்க முடிவு செய்துள்ளன. முந்நாள் பிரதமர் நவாஸ் ஷெரிப் மறைந்த பெனாசிர் பூட்டோவின் கணவர் அசிஃப் ஜர்தாரியோடு நடத்திய பேச்சுவார்த்தையில் இந்த உடன்படிக்கை ஏற்பட்டுள்ளது.

Pakistan parties agree coalition - BBC

முஷரஃப் ஆதரவு கட்சியின் நிலை ? 

பாகிஸ்தான் பொதுத் தேர்தலில் மறைந்த தலைவர் பெனாசிர் மற்றும் முன்னாள்     
பிரதமர் நவாஸ் ஷெரீப் ஆகியோரது கட்சிகள் பெரும்பான்மை பெற்றுள்ள நிலையில், அவ்விரு கட்சிகளும் இணைந்து கூட்டணி ஆட்சி அமைக்கும் என தெரிகிறது.இதன் மூலம் கடந்த 8 ஆண்டுகால முஷாரப்பின் ஆதரவு கட்சியின் ஆட்சிக்கு முடிவுக்கு வரவுள்ளது.

இதுவரை தெரியவந்துள்ள 243 பாராளுமன்ற இடங்களுக்கான முடிவுகளில், பெனாசிர் மற்றும் நவாஸின் கட்சிகள் மொத்தம் 149 இடங்களில் வெற்றி பெற்று, ஆட்சியமைக்க தேவையான பெரும்பான்மையைப் பெற்றுள்ளதாக தகவல்கள் வெளியாகியுள்ளன.

இதில், மறைந்த முன்னாள் பிரதமர் பெனாசிரின் பாகிஸ்தான் மக்கள் கட்சி 85 இடங்களிலும், நவாஸ் ஷெரீப்பின் பாகிஸ்தான் முஸ்லிம் லீக் (நவாஸ்)கட்சி 64 இடங்களிலும் வெற்றி பெற்றுள்ளன.

முஷாரப்பின் ஆதரவு கட்சியான பாகிஸ்தான் முஸ்லிம் லீக் (கியூ) 36 இடங்களை மட்டுமே கைப்பற்றியுள்ளது; முத்தாஹிதா குவாமி இயக்கம் (எம்.கியூ.எம்) 19 இடங்களிலும், இதர கட்சிகள் மற்றும் சுயேட்சைகள் 39 இடங்களிலும் வெற்றி பெற்றுள்ளன.

இந்தத் தேர்தலில் அவசியம் ஏற்படின் ஆட்சியமைக்க ஆதரவு நல்கப்படும் என்று பெனாசிர் மற்றும் நவாஸ் ஆகியோரது கட்சிகள் ஏற்கெனவே பரஸ்பர ஒப்பந்தம் செய்துகொண்டிருப்பது குறிப்பிடத்தக்கது.

பாகிஸ்தானில் நடைப்பெற்று முடிந்த பொதுத் தேர்தலின் முடிவுகள் வெளியாகிய நிலையில், மறைந்த தலைவர் பெனாசிர் மற்றும் முன்னாள் பிரதமர் நவாஸ் ஷெரீப் ஆகியோரது கட்சிகள் அதிக எண்ணிக்கையிலான இடங்களில் வெற்றி பெற்றுள்ளன. அதிபர் முஷாரப் ஆதரிக்கும் பாகிஸ்தான் முஸ்லிம் லீக் (கான்) கட்சி கடும் பின்னடைவைச் சந்தித்துள்ளது.

இதுவரை தெரியவந்துள்ள 176 பாராளுமன்ற இடங்களுக்கான முடிவுகளில், மறைந்த முன்னாள் பிரதமர் பெனாசிரின் பாகிஸ்தான் மக்கள் கட்சி 61 தொகுதிகளிலும், நவாஸ் ஷெரீப்பின் பாகிஸ்தான் முஸ்லிம் லீக் (நவாஸ்) கட்சி 56 இடங்களிலும் வெற்றி பெற்றுள்ளன.

முஷாரப்பின் ஆதரவு கட்சியான பாகிஸ்தான் முஸ்லிம் லீக் (கான்) 28 இடங்களை மட்டுமே கைப்பற்றியுள்ளது. முத்தாஹிதா குவாமி இயக்கம் (எம்.கியூ.எம்) 16 இடங்களிலும், இதர கட்சிகள் 15 இடங்களிலும் வெற்றி பெற்றுள்ளன.

நன்றி  :    யாகூ