சற்றுமுன்…

பருத்தி விவசாயிகள் என்று ஆங்கிலத்தில் உள்ள செய்தியை பொதுவாக விவசாயிகள் என மாற்றி விட்டீர்களே,ஏன்?
ஆந்திரா, குஜரத் என தற்கொலை செய்து கொள்ளும் விவசாயிகள் அனைவரும் பருத்தி பயிரிட்டவர்களே.

ஏன் எனில் அதற்கு தான் அதிக அளவு பூச்சி மருந்து தேவைப்படும். உற்பத்தி செலவுக்கு அதிகம் பணம் தேவை என்று கடன் வாங்கிவிட்டு அதற்கு ஏற்ற வருமானம் இல்லை என்றால் அதிகம் பாதிக்கப்படுவார்கள்.

மற்ற விவசாயத்தில் நஷ்டம் வந்தாலும் பெரிதாக இருக்காது. சமாளிக்க முடியும்.

தகவலுக்கு நன்றி!

பிற பயிர்களில் பாதிப்பு என்றாலும் பாதிக்கு பாதி விளைச்சல் இருக்கும் , அதை கொண்டு போட்ட பணத்தை எடுக்கலாம் அல்லது நஷ்டத்தின் அளவை குறைக்கலாம் , ஆனால் பருத்தியில் போல் வார்ம் என்ற காய்புழு தாக்கினால் செடி மட்டும் தான் இருக்கும் , பருத்தி இருக்காது, முதலீடு செய்த பணத்தில் பாதி கூட எடுக்க முடியாது.இதை தடுக்க அதிக விலையில் பூச்சி மருந்து வாங்குவார்கள் ஆனாலும் விளைச்சல் எதுவும் இருக்காது!அப்புறம் என்ன தற்கொலை தான்!

இன்னும் சொல்ல போனால் அப்படி வெறும் செடிகளை பிடுங்கி அடுத்த பயிருக்கு நிலத்தை தயார் செய்யவே செலவு செய்ய வேண்டும்.மேலும் அப்படீப்பட்ட ஒன்றும் விளையாத பருத்தி விதைகளின் விலையும் அதிகம்.

இதனால் நஷ்டம் அதிகம் ஆகும்.மற்ற எந்த பயிரிலும் இப்படி முழு சேதம் ஏற்படாது. அதனால் தான் பருத்தி விவசாயிகள் மனம் உடைந்து தற்கொலை செய்கிறார்கள்.

திங்கள் தினமணியில் இருந்து:
கடன்சுமையால் கிணற்றில் குதித்து விவசாயி தற்கொலை

மகாராஷ்டிர மாநிலத்தில் மலேகாம் வட்டம் தேவர்பதா கிராமத்தைச் சேர்ந்த நந்து கங்காதர் காலே (35) என்ற விவசாயி, கடன் சுமையால் கிணற்றில் குதித்து சனிக்கிழமை தற்கொலை செய்துகொண்டார்.

வங்கியில் கடன் பெற்றிருந்த நந்து கங்காதர், அதைத் திருப்பிச் செலுத்த முடியவில்லை. இந்த அவலமான முடிவைத் தேடிக்கொண்டதாக காவல்துறையினர் கூறியுள்ளனர்.